
Ormaki

1987an sortutako familiarteko enpresa
Ormaki 1987an Andoainen sortu eta geroztik txerrikien ekoizpen eta banaketan jardun den familiarteko enpresa da. Izena hur-hurrean dugun Leitzaran bailarako txoko heze eta ezkutuetan aurkitzen den izen bereko errekatik datorkio.
Kalitateko produktuak eta urteetako eskarmentua
Etxeko produktuak dira guk eskaintzen ditugunak. Gure betiko txistorra; txorizoa, gozo ala pikantea; solomoa, baratxuri erara ala adobatua; eta saltxitxa freskoa eskaini diezazukegu. Eta baita horiek egiten urteen poderioz jaso dugun eskarmentu eta jakituria ere.
Harrotasun osoz aurkezten ditugun horiek lortzeko, lanaz gain, lehengai eta espezia primerakoak erabiltzen ditugu gure jardunean, naturalak, kalitate hoberenekoak eta konfiantza osokoak. Eta hori guztia kalitate kontrol zorrotzenei jarraiki egiten dugu, alegia, AAKPK edo Arriskuen analisia eta Kontrol Puntu Kritikoek eskatzen dizkiguten ekoizpen prozesuko kalitate arau zorrotzenei jarraituz.
Garai berriei egokitzen
Eta errekaren joanak ur berria dakarren modura, garai ezberdinek ekarritako elikadura ohitura berriak eta teknologia joera aurreratuenak gurean ere egokitu behar izan ditugu. Aldaketak aldaketa, bada hala ere aldatu ez den gauzarik ere, hain zuzen, Ormakiren baitan dagoen bere horretan jarraitzeko jarrera, garenaz harro. Lehengai hoberenak erabiliz eta pertsona jatorrenekin soinez soin ari baikara.
Eta horretan egiten dute bat errekak eta gure gogoak.